广州话经典顺口溜
春天不是读书天 夏日绵绵正好眠 秋有蚊虫冬有雪 收拾书本好过年
老豆打仔，锻炼身体，仔打老豆，打死察就
人之初，初之人，先生着错老婆裙，老婆着错先生裤，先生打出个鸪鸪。
排排坐，食果果，猪拉柴，狗烧火，猫衣担凳姑婆坐，坐烂屎忽咪赖我，赖番隔离个二叔婆

摇,摇,摇,摇到外婆桥，外婆话我好宝宝，我话外婆麻甩佬
落雨大，水浸街，阿哥担柴上街卖，阿嫂出街着花鞋，花鞋花袜花腰带，珍珠蝴蝶两边
走得快，好世界，走得嚤，冇鼻哥
嗳，嗳，嗳，嗳猪乖,嗳猪大，嗳大猪仔嫁后街,后街有鲜鱼鲜肉卖,又有鲜花戴,戴吾晒,摆落床头卑老鼠拉,拉拉拉,拉到隔离街，隔街有D乜野买？有鲜鱼鲜肉卖，又有鲜花戴……
月光光，照地堂，年卅晚，摘槟榔，槟榔香，摘子姜，子姜辣，买芙荙，芙荙苦，买猪肚，猪肚肥，买牛皮，牛皮薄，买菱角，菱角尖，买马鞭，马鞭长，顶屋梁，屋梁高，买张刀，刀切菜，买锅盖，锅盖圆，买只船，船沉底，浸死两个番鬼仔，一个浮头，一个沉底！
董存瑞，十八岁，为国牺牲炸堡垒，炸到堡垒咯咯脆，全国人民流眼泪
点指兵兵，点指贼贼，点着谁人做大兵，点着谁人做大贼
凼凼转，菊花圆，炒米饼，糯米团，阿妈叫我睇龙船，我吾睇，睇鸡仔，鸡仔大，摞去卖，卖得几多钱？卖得三百六十五个仙
又哭又笑，乌蝇打醮，蠄蟧攋尿，老鼠行桥，猫咿偷笑
骑牛牛，牛牛走，牛牛响前咪回头，若然回头就打箩柚。
大食懒，起身晏；洗冷水，食冷饭
肥仔肥藤藤,买旧猪肉去拜神，行到半路瓜老亲
点虫虫，虫虫飞，飞到荔枝基。
牙刷刷，脷刮刮，屙屎唔出用手挖
卖懒，卖懒，卖到年卅晚，人懒我唔懒
丑丑丑，丑甩耳仔送烧酒
有只雀仔跌落水，跌落水，被水冲去
干干净净肺痨病，邋邋遢遢当警察
河边有只羊,河边有只象,河边有只马骝精,好似你咁样
从前有个山，山里有个庙，庙里有个和尚讲古仔。佢讲乜嘢古仔哩?从前有个……
大笨象，揸支枪，去打仗，打唔赢，返嚟食碗辣椒酱，隔篱屋企烧炮仗，问你响唔响，唔响奖你两巴掌
攋尿虾，煲冬瓜,煮唔熟，赖阿妈
依哦依，肥佬挟住个大皮夹。阿姨阿姨行快D，后面有人吹BB
未够十八岁，参加消防队，食饭无规矩，训觉流口水
男人头，女屎忽，男女厕所都入得
路上汁到宝，问天问地罗唔到
痾屎唔出赖地硬，痾尿唔出赖风猛
发财，开花，两公婆，一支枪，六叔，九公里
博一博，单车变摩托
肥婆肥婆跌落河，执翻上来晕舵舵
大笨象会跳舞，马骝仔会上树，狐狸会打跟斗～